上一回：【日本。中部北陸】自駕六天2017 - Day 2.2 (金沢：金沢城公園>兼六園)
離開兼六園後....其實又只係過條馬路
就到咗金沢21世紀美術館.....
中間呢個彩色嘅都幾得意
其實佢都只係放了三原色嘅屏風
當你走入去後....兩隻色重疊後就變第三隻色
就好似紅+黃=橙.....黃+藍=綠.....藍+紅=紫
最中間有個白色球
可能夜晚會著燈的.....咁相信夜晚嚟又會有唔同睇法
其實呢個美術館係有料入場的
不過我地對美術一般啦....同埋時間又可能未必夠.....
所以就冇入場喇
但點解要嚟呢?!......
就係想一望呢個泳池喇.....
池面係無料的
而池底就要入場先可以見到喇
所以見到水裡有黑影呢.....
咁確實係幾特別嘅....不過就比想像中細咗啲
其實金沢呢一站嘅主要Plan咗嘅景點都已經行晒了
所以跟住呢段時間就係shopping time.....
金沢都有百貨公司嘅.....不過就一定唔會似得東京大阪果啲咁
但見到有TOKYU HANDS都已經好感恩了
一於入去睇下先......
行完出嚟都已經入黑了......就開始找吃喇.....
其實呢一餐我係冇Plan到的
諗住到時邊行邊睇下有冇野想食就入去啦
跟住行咗兩三條巷都好似麻麻咁
但忽然間又想搵下有冇啲居酒屋可以試試
最後....好似見到呢間有串燒食嘅.....就入去試試喇
個環境都唔錯架.....幾有氣氛
除咗有呢一排枱....我身後仲有Table
我估裡面仲有一啲地方係坐地下的
等我介紹番先......五花腩
居酒屋點可以唔叫枝豆
但其實我都係第一次喺日本食枝豆
估唔到佢好似會先燒一燒先架喎......
又可能係焗....因為我見佢有啲個面係黑色好似燶咗咁
雞肉
豆腐.....又估唔到幾好味喎.....內裡好滑
呢次嘅驚喜......雞軟骨
平時食親都係(應該)雞膝果舊
但呢個我真係好鄉下咁第一次試
佢一舊軟骨....一舊肉.....一舊軟骨....一舊肉.....
食落都係好好味......所以最後再encore咗一次
仲叫咗一個沙律......其實都幾大盤架喇
但menu上仲有一個係jumbo添架.......
最後就係呢個豬腸.......
平時香港食到嘅都係炸或者鹵水.....
而燒嘅就第一次食.....
咁如果本身鍾意食腸嘅......呢個燒嘅就當然冇得頂啦
我相信未必個個都覺得呢間好正
但我就對呢餐好滿意......因為冇預先準備/安排
即興咁入咗一間令我食得開心嘅食店......真係充滿驚喜
如果去到金沢唔知食乜嘅.......可以mark低做備用丫
呢到有英文menu的....所以放心
筑前屋 金沢片町店
TEL. 076-254-1529
石川県金沢市木倉町1-1
営業時間：17:00～24:00（金・土・祝前 翌２時まで営業） 年中無休
席数：98席
片町1丁目交差点・片町停留所 徒歩1分
食飽後.....就慢步返酒店喇......
喺金沢嘅時間雖然唔係好耐......
只有今日呢一天真正的感受到金沢的節奏
雖然唔知下次會係幾時先再嚟
但我對金沢........係可以再嚟的
第二天完
Day 2.1 (金沢：東茶屋街>近江町)
Day 2.2 (金沢：金沢城公園>兼六園)
Day 2.3 (金沢：21世紀美術館)
Day 3.1 (立山>美女平>室堂>大觀峰>黑部平)
Day 3.2 (黑部水庫)
Day 3.3 (室堂)
Day 5.1 (宮川朝市)
Day 5.2 (上高地 > 名古屋)
留言列表
日本 (6)